O Grupo Municipal Popular denuncia que no primeiro trimestre de 2009 o custo do servizo do guindastre seguiu crecendo con respecto a anteriores exercicios. O Concello desembolsou preto de 120.000 euros: A recadación nese período foi de cerca 4.000 euros fronte aos 43.000 euros mensuais que aproximadamente lle custa ao Concello o servizo.

O concelleiro popular Enrique Rozas explicou que estes datos confirman as súas denuncias anteriores, en que se facía ver que hai unha tendencia á alza no gasto, polo que aínda que legalmente non toca revisar o contrato do servizo do guindastre "por responsabilidade política" considera que é o momento de levar a cabo unha intervención inmediata para frear esta sangría económica.

"É o momento de redefinir este servizo municipal xa que queda demostrado, de xeito evidente, que se trata dun servizo sobredimensionado: son necesarias dous guindastres a pleno rendemento?" pregúntanse os populares.

Os populares puxeron de manifesto que o equipo de goberno ligou este desfasamento económico ao conflito policial. Agora que "todo vai ben, como afirma o Goberno" Rozas pregúntase "que desculpa van pór para xustificar estas cifras"". O edil popular ironizou coas medidas de aforro do PSOE "rebaixar en 3.000 euros a factura dos móbiles, utilizar os folios por dúas caras" todo isto está moi ben pero é dun cinismo claro cando teñen un servizo deficitario e non toman medidas".

Os populares indicaron que o Concello gastou 1.236.000 euros desde a entrada en funcionamento do servizo do guindastre, en 2006.

De non revisar o servizo, cando finalice o contrato, no ano 2015 o concello malgastaría máis de CATRO MILLÓNS DE EUROS.