O Grupo Municipal Popular denuncia que onte, entre as nove da mañá e as nove da noite, só houbo tres bombeiros de servizo no cuartel de Lugo. Por mor das saídas que tiveron que efectuar a media tarde, no parque só quedou a persoa que atende o teléfono.

O concelleiro Enrique Rozas critica a falta de previsión por parte dos responsables municipais, tendo en conta que onte foi unha xornada especial, cun proceso electoral. O normal sería que o Concello establecese dispositivos especiais tal e como fixeron outras forzas e corpos de seguridade.

De feito na xornada de tarde os tres bombeiros que había de guaria tiveron dúas saídas. A primeira para un lavado de manchas de aceite na rúa Fachendosos Enríquez; logo víronse obrigados a abandonar este servizo xa que se requiriu a súa presenza para sufocar un incendio no antigo hotel Miño.

Rozas puntualizou que "proba de que o Goberno Local non tiña unha previsión é que se chamou a dous bombeiros que estaban de permiso para que entrasen antes na súa quenda".