O Grupo Municipal Popular pide nunha proposición ao equipo de Orozco que explique no Pleno os cambios producidos ata o momento no seu Goberno.

Na proposición, que se debaterá o Luns en Pleno, proponse o adianto do Estado da Cidade que se adoita celebrar no outono. O cesamento do Director Xeral de Novas Tecnoloxías foi o detonante desta iniciativa, aínda que os populares tamén tiveron en conta outros cambios feitos con anterioridade por Orozco cun claro efecto negativo na xestión do Goberno.

Iniciativa no Pleno.-

Ademais desta iniciativa, no pleno deste luns o Grupo Municipal Popular defenderá outras tres: unha sobre o futuro enlace da ponte coa cidade, outra para pór en marcha un banco de obxectos reutilizables e para rematar outra relacionada co financiamento local.

Na orde do día tamén figuran tres rogos populares: un para trasladar a caseta abandonada polo Goberno na Praza da Constitución a un punto do Camiño Primitivo e usala como punto de información, outro sobre puntos de recollida de plásticos agrícolas e un terceiro sobre arranxos do Colexio de Casás.

Tamén se presenta unha pregunta sobre as obras a executar no presente exercicio dentro do Plan Director do Parque de Rosalía.