A concelleira Cristina Ares apunta que "os Concellos están gastando máis dunha cuarta parte do seu orzamento en competencias que non son propias, polo que se xera un buraco. As medidas de Zapatero contra a crise están xerando máis gasto público e máis débeda, agravando o problema de financiamento da Administración".

A xuízo dos populares o financiamento local ten que incrementarse en proporción equivalente ao financiamento autonómico e ademais fai falta saldar o déficit de representación institucional das entidades locais.

Na proposición que presenta o Grupo Popular para o próximo pleno reclámase a participación dos gobernos locais nos foros de discusión e negociación sobre o financiamento das administracións públicas talles como o Consello de Política Fiscal e Financeira.

Falta de transparencia.-

A edil popular, Cristina Ares, tamén expresou a súa queixa polo atraso, por parte do goberno local, á hora de entregar á oposición, a documentación que se solicitou fai case dous meses, sobre os ingresos e gastos do primeiro trimestre de 2009.