Durante a pasada edición das festas do Arde Lucus, o Concello puxo a disposición dos lucenses un centenar de traxes feitos polos reclusos da prisión de Bonxe. Con todo, a Concellaría de Mocidade ten intención de suspender esa actividade e ceder os traxes a "colaboradores" da propia Concellaría. Para os populares resulta "rechamante" que se utilicen todos eses traxes para os "colaboradores" da Concelleira.

Tamén se pregunta por que, dado o éxito da iniciativa o pasado ano, no que houbo moita máis demanda de traxes que oferta, non se ampliou a esta edición do Arde Lucus a elaboración en Bonxe, de forma que o Concello dispuxese de máis pezas para prestar aos lucenses.

O Grupo Municipal Popular mostra a súa preocupación polos criterios que se van a utilizar para a repartición, e espera que non sexa "unha coladera para prestar os traxes de todos os lucenses aos "amiguetes" do Goberno Local.

Os populares queren saber entre outras cousas:


De cantos traxes, do centenar que se fixeron o pasado ano, dispón actualmente o Concello"

Á vista de que o pasado ano houbo problemas de dispoñibilidade para acceder aos traxes, por que non se continuou este ano a elaboración de traxes para ampliar a política de préstamo aos lucenses"

Que criterios vanse a utilizar para facer a cesión dos traxes aos interesados"