A concelleira do Grupo Municipal Popular, Teresa Taboada, denuncia que o goberno socialista de Lugo non ten data para re-vegetar e repoboar con árbores autóctonas a contorna do depósito de Penarrubia. A resposta que recibiu hoxe o grupo popular respecto da execución dos traballos de reforestación desta zona deixa claro que "a cousa vai para longo". Taboada insiste en que a replantación tería que estar feita no outono ou no inverno, "e xa estamos en plena primavera", puntualizou.

A concelleira acusa aos socialistas de tardar dez meses en responder ás preguntas que formulou o pasado 26 de xuño de 2008 "non só tardan case un ano en responder, senón que a contestación é incompleta".

O Grupo Popular xa denunciou en reiteradas ocasións o abandono da contorna do depósito de Penarrubia. Hai que recordar que o Concello recibiu en decembro de 2008 esta obra. Os populares fixéronse eco da deterioración da zona afectada por estas obras (Os camiños de acceso están sen arranxar, hai deposito de sobrantes, grávaa está esparexida por toda a contorna, hai restos de tubaxes e residuos de obra...