O Grupo Municipal Popular trasladou ao equipo de goberno a queixa dos organizadores da Feira de Abril que tivo lugar este fin de semana na praza do Campo.

Alicia Pena explicou que os organizadores do evento indicaron que o goberno socialista negoulles aos negocios da zona colocar adornos na Praza do Campo para ambientar esta celebración. Os comerciantes non entenden esta prohibición cando noutros festexos como o do Arde Lucus (organizado polo Concello) si se colocan bandeirolas, que encima tiveron en ocasións publicidade de bebidas alcohólicas.

Á vista do sucedido Pena Murias lamenta a falta de colaboración do Concello "que pon trabas, sen xustificación, a uns industriais da cidade que con actividades deste tipo intentan dar un ánimo á zona centro".