O Grupo Municipal Popular presentará unha proposición para o próximo pleno na que insta ao Goberno Local a elaborar un programa de apoio á integración laboral de persoas con Síndrome de Down. O portavoz do Grupo Popular, Joaquín García Díez, xunto coas concelleiras Cristina Ares e Sofía López Linares explicaron á directiva desta entidade o contido da iniciativa:

Primeiro.-
- A elaboración do catálogo de postos de traballo que poidan realizar persoas con Síndrome de Down tanto nos centros públicos municipais como nas empresas contratadas polo goberno local.

- Diferenciar segundo minusvalías a porcentaxe de prazas reservadas dentro da relación de postos de traballo dos centros e organismos municipais para contratos laborais para persoas con minusvalías.

- Deseñar un programa de acompañamento na adaptación ao posto de traballo seguindo a metodoloxía do Emprego con Apoio, a realizar polas asociacións que forman as persoas con minusvalías psíquicas de Lugo.

Segundo.- Promover a inclusión, como criterio nos baremos dos pregos de cláusulas técnicas e administrativas de contratos a realizar polo Concello de Lugo, de putos para as empresas concursantes que propoñan crear postos de traballo reservados para persoas con certificado de minusvalía.

Terceiro.- Promover a restrición de determinados concursos a centros especiais de emprego.