O Grupo Municipal Popular trasladou esta mañá ao Concello as queixas dos usuarios da cancha de baloncesto que está situada na rúa Roseira esquina Aviación Española.

A concelleira popular Teresa Taboada, pediu que se arranxen as deficiencias detectadas e destacou "as gretas do pavimento". Outra preocupación dos que acoden a esta zona de lecer ten que ver coa canastra, "está moi oxidada e a caixa que hai no soporte ten unhas arestas moi perigosas para os nenos".

Para a concelleira Teresa Taboada é urxente que se revisen as tapas de rede de sumidoiros e a reposición de bordos.

No ámbito medio ambiental reclamou unha maior limpeza, reposición de céspede, e que se planten árbores para crear algunha zona de sombra.