O concelleiro do Grupo Popular, Enrique Rozas, aclaroulle esta mañá ao concelleiro responsable de policía, José Rábade, e ao alcalde que ao Ministerio Fiscal "non se vai a facer consultas senón a denunciar". (Así se recolle na lei 50/19981 regula o estatuto orgánico do Ministerio Fiscal onde se contempla que a Fiscalía non responde a Consultas senón que actúa ante denuncias)

"Paréceme deshonesto, vergoñoso e pouco valente que, o alcalde e Rábade, neguen a consideración de denuncia cando o decreto do fiscal que arquiva o caso recolle en distintos lugares que estamos ante unha DENUNCIA e non unha consulta".

O concelleiro popular explicou que "intentan negar unha evidencia porque a manobra que fixeron non lles saíu como esperaban: xa no oficio de remisión do fiscal xefe ao concelleiro popular faise referencia ao arquivo das dilixencias informativas nº25/2009 con orixe en escrito de DENUNCIA formulado por don Darío Diéguez"

Rozas puntualizou que a palabra denuncia aparece no documento da fiscalía en DEZASEIS ocasións máis.

"Para realizar consultas tanto o señor alcalde como o señor Rábade podía acudir á asesoría xurídica do concello" concluíu.

Perderon os papeis.-

O concelleiro popular puxo de manifesto o seu convencemento de que o goberno socialista perdeu os papeis: "Se o señor Rábade o único que sabe é insultar" alá o. Anúnciolle que as súas ameazas de que volverán á fiscalía, se así o estiman, daranme se cabe, máis forza e ánimo para seguir traballando e non cambiarán a miña forma de facer oposición. O seu empeño en taparme a boca reafirma que o meu traballo vai en boa liña, a de ser útil para os cidadáns".

"Á súa falta de respecto e a súa política zafia o único que lle respondo é que dedique toda a súa enerxía en deixar de perseguir á xente e moléstese en organizar e dirixir á policía. Para iso páganlle os contribuíntes e non para intentar desacreditar a concelleiros da oposición".