O Grupo Municipal Popular acusou á concelleira de cultura de ocultar información sobre a organización da semana da música do Corpus lucense. Os populares temen que os motivos desta falta de transparencia sexan para "tapar a adxudicación deste evento a unha empresa de fóra de Lugo".

A concelleira popular Alicia Pena explicou que o pasado 3 de marzo cursou unha petición na que solicitaba ao detalle as contas dos gastos dos dous últimos anos da programación da semana de música do Corpus lucense. Logo de 15 días comunícase á edil popular "que os depositarios da información solicitada son os servizos económicos" un extremo que desmenten no citado departamento.

Pena considera unha "tomadura de pelo" que a concelleira de cultura esconda os datos deste evento. A concelleira popular quere que se aclare porqué a organización deste evento encárgase a unha persoa de Santiago. "O colmo é que ata a impresión dos programas fágase nunha imprenta santiaguesa" puntualiza Pena Murias.

Alicia Pena Murias pregúntase "Por que se paga unha dedicación exclusiva á concelleira de Cultura se todos os eventos do calendario cultural de Lugo privatízanse e págaselle a varias empresas para organizalos", A que dedica o tempo que se supón que está no Concello a conta dos lucenses, se logo paga a empresas de fóra de Lugo para facer o seu traballo"".

Alicia Pena insiste en que este caso é un exemplo máis do "verdadeiro talante" do equipo de Orozco. A concelleira recordou como "pasou medio ano desde que se celebraron as festas do San Froilán sen que o goberno presentase as cifras detalladas de gastos e ingresos, a pesar das reiteradas peticións cursadas polo PP".

A edila popular recordou ao equipo de Orozco que "a petición de información é un dos pasos necesarios na fiscalización do labor de goberno" lamentando as dificultades que ten á hora de obter datos.

Rogo comisión rueiro.-

A concelleira popular tamén lamentou a "desidia" da concelleira socialista responsable de cultura no tocante á convocatoria da comisión do rueiro. Aínda que estaba previsto retomar o traballo en xaneiro, a estas alturas non hai data fixada para traballar na designación de nomes para distintas rúas da cidade.

Alicia Pena anunciou que presentará un rogo, no próximo pleno, para que a citada comisión do rueiro reúnase no mes de abril.