O Grupo Municipal Popular, a través da súa concelleira Teresa Taboada, pregunta ao Goberno Local "cales son os criterios que utiliza para a reposición do arboledo de Lugo". Aos populares chámalles a atención que nalgúns casos as bases onde estaban as árbores háxanse cementado ou cuberto con laxas, polo que dá a impresión de que non se van a repor nesas localizacións. (A Praza da Soidade, árbore derrubada por un camión publicitario do BNG, ou a Rúa Armanyá, diante da subdelegación do goberno).

Non só no centro, senón noutros puntos da cidade, como o barrio do Castiñeiro, ven afectados. No cruzamento das rúas Aquilino Igrexas Alvariño con Lama de Prado, eliminouse un bananeiro sen motivo aparente, xa que non entorpecía o paso e si daba unha agradable sombra a un banco que estaba debaixo.

Hai que recordar que o Grupo Municipal Popular levou ao pleno de decembro un rogo en que se solicitaba ao Equipo de Goberno que se repuxesen as árbores que desapareceron por distintas causas das rúas de Lugo (accidentes de tráfico, temporais, incidentes varios?).

Teresa Taboada transmitiu a satisfacción do Grupo Municipal Popular de que, por fin, o Concello inicie os traballos de recuperación da masa arbórea aínda que "esperásese ao último momento posible", xa que tal e como recoñeceu o señor concelleiro de Medio no mencionado Pleno de decembro, estas reposicións han de facerse no inverno, preferiblemente antes do mes de marzo.