Relato do caso.-

Noite do 5 ao 6 de marzo.-

A policía de barrio para en Santo Domingo a unha persoa que presentaba síntomas de embriaguez. Como non había axentes de ateigados reclámase a presenza, para efectuar as dilixencias oportunas, aos axentes adscritos á unidade de tráfico e seguridade viaria, quen manifestan que non saben como facer estas dilixencias.

A policía de barrio vese no deber de trasladar a esta persoa á sede da policía local. A persoa, logo de estar máis dunha hora esperando nas dependencias policiais para que lle practiquen as dilixencias oportunas, márchase.

As consecuencias.-

1. Como se entende que unha unidade de tráfico e seguridade que ten asignada a función de facer controis de tráfico teña axentes que non están formados para tal labor". Fai poucos días o PP detectou outro caso similar onde axentes desta mesma unidade non souberon montar o radar e xa que logo non se puideron realizar os controis de velocidade.

2. A situación que ocorre dentro do cuartel da policía é gravísima. A idea de colocar "a dedo" a un responsable por cada unha das unidades provoca situacións como as anteriormente descritas. Antes había un único xefe de quenda coordinando todo o servizo.