O portavoz do Grupo Municipal Popular de Lugo e deputado nacional do Partido Popular, Joaquín García Díez, anunciou que o Grupo Parlamentario do PP pedirá que compareza a Ministra de Administracións Públicas para explicar a presunta trama de retirada de centos de multas en Lugo.

Esta iniciativa súmase á xa rexistrada, o pasado venres, para que tanto o Ministro do Interior, Alfredo Pérez Rubalcaba, como o do Director Xeral de Tráfico, dean conta de a información que teñan sobre o caso.

Para Joaquín García Díez a última noticia na que se imputa, en relación coa trama, ao subdelegado do goberno pon "cada vez máis en evidencia que hai responsabilidades políticas que depurar". "Polo ben da súa persoa e do organismo que representa a comparecencia da Ministra é necesaria, xa que é a responsable directa desta institución".

Os populares xustifican as peticións de comparecencia de ambos os Ministros e do Director Xeral de Tráfico "en aras a clarificar canto antes esta trama". García Díez tamén pide aos imputados que "asuman, con prontitude, as súas responsabilidades sen esperar a que se lles cese".