O Grupo Municipal Popular critica a desidia do Concello de Lugo no mantemento dos centros escolares que dependen da administración local. Un dos casos máis sanguentos é o do Colexio Rosalía de Castro onde os nenos de infantil non poden gozar do recreo no patio porque "chove a caldeiros dentro".

No informe de peticións que a concelleira Alicia Pena realiza a principio do curso escolar fíxose fincapé no problema que había na cuberta deste patio de infantil. "O pasotismo e o desinterese do grupo socialista queda patente nos problemas que seguen sufrindo os alumnos do centro. Fai catro meses os buracos da lona que cobre a estrutura do patio eran perfectamente visibles e agora rompeu por completo a cuberta".

Pena Murias lamenta a nula sensibilidade dos socialistas cos problemas cotiáns do mantemento dos centros escolares que non só repercute no benestar dos nenos senón que tamén afecta á economía das arcas municipais: "Se o Concello reaccionase a tempo a solución pasaría por un parche provisional, pero agora o gasto terá que ser moito maior porque a lona é inservible".

O chan do patio reflexa a gran cantidade de auga que deixa pasar a moi deteriorada lona

Á vista de que esta deficiencia non se corrixiu despois de que o grupo popular denunciásea fai catro meses, Alicia Pena anuncia que revisará todos os problemas que detectou no mes novembro co obxecto de presionar ao equipo de goberno para que os solucione.