Web del Grupo Municipal del Partido Popular del Ayuntamiento de Lugo

	O Grupo Municipal Popular pide a Liñares que dea as ordes oportunas para que se arranxe o Parque do Miño antes da primavera
	22/02/2009

	Jaime Castiñeira: Esta obra é un claro exemplo da incapacidade de xestión e da velocidade de cruceiro coa que traballa o PSOE. Visita de Quintana: Os populares tamén criticaron a ineficacia do BNG na política de vivenda "a falta de méritos propios teñen que fotografarse nas obras que herdaron do Partido Popular".


	Como benvida a Lugo do Presidente da Confederación Hidrográfica do Miño o Grupo Popular, entregoulle un dossier de fotografías do parque do Miño nas que se aprecia o abandono da zona: as sendas están moi deterioradas e hai zonas encharcadas de difícil acceso. Os populares tamén reclaman que se recupere a sinalización do percorrido para as persoas que acudan o parque para camiñar ou correr. Jaime Castiñeira aproveitou o paso do responsable da Confederación para recordarlle os últimos compromisos adquiridos polo PSOE no Congreso dos Deputados a preguntas do PP: "O secretario de Estado de Medio Rural e Auga, Josep Pucheu compareceu no mes de novembro e anunciou que daría as instrucións oportunas para resolver a obra do parque do Miño, pedindo ata desculpas aos lucenses polo atraso dos traballos". Castiñeira insistiu en que os veciños de Lugo "están cansados de xestos e o que queren é ter listo xa o parque".
	Os populares recordan que esta zona pechouse o 7 de agosto de 2005, sen previo aviso aos usuarios. Para Castiñeira "a obra do parque do Miño é un claro exemplo da incapacidade de xestión e da velocidade de cruceiro coa que traballa o PSOE".
	Jaime Castiñeira pediulle a Liñares que, do mesmo xeito que intensifica o seu plan de visitas nestes días de eleccións, intensifique o traballo para concluír esta obra. Nese sentido na carta que lle entregaron indicaban que "como responsable da Confederación Hidrográfica do Miño e como lucense esperamos que mostre a súa sensibilidade con esta zona verde e que dea as instrucións oportunas para a súa rápida recuperación". BNG.- A visita de Quintana ás vivendas da Tinería tamén foi obxecto da ironía do popular Jaime Castiñeira "a falta de méritos propios teñen que fotografarse nas obras que herdaron do Partido Popular". A incapacidade do BNG en materia de vivenda é manifesta "non teñen ningún balance propio. Na provincia de Lugo foron incapaces, en catro anos, de empezar e rematar nin unha soa vivenda de promoción pública".