Web del Grupo Municipal del Partido Popular del Ayuntamiento de Lugo

	O Grupo Municipal Popular acusa ao Concello e á de levar catro anos sen acordarse dos dependentes de Lugo
	18/02/2009

	As diferenzas entre socialistas e nacionalistas dilatan a tramitación dos expedientes: "de todos os casos rexistrados no Concello só se valoraron 14". As cifras cantan: Só tres dos case 500 lucenses que reciben axuda a domicilio están dados de alta por dependencia.


	Logo das falsas expectativas alimentadas desde a Xunta do bipartito, a día de hoxe, máis do 90% dos dependentes do Concello de Lugo continúan sen recibir axuda algunha da Administración autonómica. A concelleira do Grupo do Partido Popular, Sofía López Linares, detallou os datos facilitados por escrito a instancias dunha batería de preguntas que formulou o pasado 11 de febreiro de 2009. Dos 471 usuarios que reciben a axuda municipal a domicilio tramitáronse 106 expedientes para solicitar axudas de dependencia. Só tres están dados de alta. Dos 42 expedientes dos que la Xunta informou favorablemente en outubro de 2008 só cinco están dados de alta nel Servizo de atención familiar por dependencia. Dos 136 expedientes de lucenses tramitados polo Concello nos últimos anos, só se valoraron 14 (Doce de grao tres; Dous de grao un). Todas as valoracións de grandes dependentes que recibiu o Concello da Xunta son de data 26 de xuño de 2008. Faleceron catro dos dependentes que estaban á espera de recibir valoracións e axuda.
	Á vista dos datos solicitados os populares acusan ao Concello de "pasividade". Nese sentido López Linares destacou que o 22 de setembro de 2008, a responsable de servizos sociais recibiu por email unha listaxe de Vicepresidencia con 47 usuarios que resolveron a libranza do coidador en contorna familiar, ese foi o último contacto que mantiveron ambas as administracións para falar sobre os casos de dependencia de Lugo.
	A concelleira popular, Sofía López Linares, tamén arremeteu contra Vicepresidencia "ata eles mesmos recoñecen a súa incapacidade e desinterese por este asunto. En resposta escrita indícase que levan un ano traballando na creación dun equipo de coordinación entre Xunta e concellos para determinar competencias". Para Sofía López esta situación debería ruborizar tanto a socialistas como nacionalistas "levan catro anos sen acordarse dos dependentes". A edila popular acusou ao bipartito de destinar todo o diñeiro da dependencia a propaganda e burocracia. Iniciativas.- Nos últimos anos o grupo popular presentou baterías de preguntas en distintas ocasións coa idea de facer seguimento puntual do que pasaba coas miles de solicitudes presentadas no Concello. Tamén se apostou pola creación dunha oficina municipal de dependencia, a iniciativa foi rexeitada por PSOE e BNG en novembro de 2007.