Web del Grupo Municipal del Partido Popular del Ayuntamiento de Lugo

	O Grupo Municipal Popular critica a patrimonialización das festas de todos por parte do Goberno de Orozco
	16/02/2009

	Alicia Pena: "É inxustificable que, unha vez máis, teñámonos que decatar de quen é o pregoeiro e do programa de actos do entroido polos medios de comunicación". Os populares tamén denunciaron a tardanza na presentación das contas dos gastos do San Froilán. A edila popular espera que o Concello respecte o acordo do pleno e convoque, en breve, a comisión para planificar os actos do noveno aniversario da Muralla.


	Desde a alcaldía encómiase que os lucenses acheguemos iniciativas, pero en realidade, seguimos vendo que é mera teoría. A última proba de que os socialistas actúan coma se tivesen maioría absoluta témola na confección do programa de entroido: nunhas festas tan "creativas e participativas como estas" resulta ofensivo que nos decatemos polos medios de comunicación do programa e ata do nome do pregoeiro. Alicia Pena puxo así de manifesto o malestar do seu grupo por esta actitude do equipo de Orozco e de face á próximas celebracións pediulles "un pouco do talante do que tanto presumen". Noveno aniversario Muralla.- A concelleira popular considera que é hora de dar cumprimento a un acordo de pleno no que se decidiu convocar a comisión de cultura para organizar os actos conmemorativos do noveno aniversario da muralla.
	"Ao ritmo co que o PSOE traballa é hora de recordar que está pendente de concretar unha convocatoria da comisión de cultura para planificar e programar, con suficiente antelación, os actos conmemorativos do próximo aniversario da Muralla".
	O pasado mes de decembro aprobouse unha proposición, a iniciativa do Partido Popular, para que se consensuasen os actos para a celebración do noveno aniversario da Muralla. Desde o Grupo Popular xa se puxeron sobre a mesa dúas propostas: 1. Organizar unha proba deportiva de ámbito autonómico ou nacional para pór en valor a Muralla. 2. Durante a semana da conmemoración abrir, de forma gratuíta, o Centro de Interpretación da muralla. Contas San Froilán.- Para rematar, Alicia Pena tamén criticou a tardanza, por parte do concello, en entregar as contas dos gastos do San Froilán. Nese sentido, Alicia Pena, expresou o seu malestar porque pasaron case catro meses da celebración das patronais e o goberno non presentou aínda as cifras detalladas de gastos e ingresos das patronais. Tampouco se recibiron as contas detalladas do San Froilán do 2007, que se solicitaron ata tres veces por escrito sen recibir resposta ata o momento.