O Grupo Municipal Popular pide ao equipo de goberno que programe os controis de velocidade e alcoholemia para que non sexan aleatorios "tal e como sucedeu este fin de semana".

Enrique Rozas, que está de acordo con estes controis, explicou que as probas "non se debería facer sen xeito nin dereito, cando a un se lle ocorre. Isto é algo máis serio e ata a súa posta en práctica recóllese no artigo 21 do Regulamento Xeral de Circulación". No punto relativo á investigación de alcoholemia e das persoas obrigadas a realizar estes controis (apartado D) figura que aos que en ocasión de conducir un vehículo sexan requiridos ao efecto pola autoridade ou os seus axentes, dentro dos programas de controis preventivos de alcoholemia ordenados por devandita autoridade.

O edil popular advirte que de non realizarse unha planificación ordenada, estes controis de alcoholemia, de acordo cunha programación específica e a autorización dos responsables do servizo poderían declararse nulos a efectos legais.

Atestados.-

Enrique Rozas denunciou, unha vez máis, que nin o venres, nin o sábado nin o domingo houbo servizo de Atestados nas quendas da policía local.