• Joaquín García Díez recordou que co que se gastou en caprichos o presidente de Galicia podíase pagar a nómina de 833 galegos durante todo un ano ou contratar máis de 1.167 asistentes persoais para discapacitados.
• O deputado popular lucense asegurou, cos datos do desemprego de xaneiro na man, que mentres Touriño gasta sen freo cada hora 16 galegos vanse ao paro.

O Partido Popular trasladou ao Congreso dos Deputados "o obsceno malgasto" do presidente da Xunta, Emilio Pérez Touriño, e pediu que, en tempos de crises como os que estamos atravesando, o Goberno pida austeridade na Administración Pública para evitar que os cidadáns teñan que sentir "vergoña".

O deputado popular Joaquín María García Díez criticou que Touriño se autodefina como "un cidadán máis" e subliñou que entre el e o resto hai unha gran diferenza e é que mentres el gasta 7 millóns de euros de fondos públicos en mobiliario e coches de luxo, cada hora 16 galegos fóronse ao paro no mes de xaneiro por culpa da crise.

Para García Díez, que dixo que en dous minutos era imposible enumerar nin a metade dos luxos do presidente galego e recordou que só as cristaleiras que se escurecen soas custaron máis de 30 millóns das antigas pesetas, "tanto malgaste reflexa unha forma de Gobernar", polo que dixo "sentir vergoña como galego do seu presidente".

O deputado lucense salientou que unha soa cadeira custou catro veces o salario mínimo interprofesional e sinalou que o peor de todo era que a pesar de que todos os galegos estaban avergonzados pola actuación do titular da Xunta, Touriño non estaba disposto a rectificar nin a pedir desculpas