Web del Grupo Municipal del Partido Popular del Ayuntamiento de Lugo

	López Linares critica a falta de solidariedade do equipo de Orozco cos afectados pola crise
	05/02/2009

	A concelleira popular insiste en que o gasto social no Concello de Lugo "ten pouco de social e moito de socialista". Sofía López puxo as contas claras, "en dous magostos o Concello gastou 21.243,78 euros (máis de tres millóns e medio das antigas pesetas)".


	A concelleira popular Sofía López Linares lamentou a negativa de PSOE e BNG á proposta para pór en marcha un plan de axuda social dirixido aos afectados pola crise. Logo de coñecer que Lugo é a provincia na que máis subiu o paro en xaneiro e que é cando todas as forzas sindicais piden máis apoio para os traballadores que perderon emprego non se entende a súa postura. "Terán vostedes que explicar aos cidadáns porque renuncian a priorizar o gasto social nun momento como este". A concelleira popular pregúntase se o equipo de Orozco quere ocultar o malgasto e gastos superfluos que ocultan detrás de supostos gastos sociais.
	O Grupo Municipal do Partido Popular considera "surrealista" que se poñan en dúbida os cálculos que se fixeron durante o Pleno, polo que se enumerou, con todo detalle, o que o equipo de Orozo gastou en distintos eventos que "teñen pouco de social e moito de socialista". Sofía López puxo as contas claras "tan só en dous magostos destináronse 21.243,78 euros (máis de tres millóns e medio das antigas pesetas)
	O "gasto social" do PSOE en Lugo.- O que chama o equipo de Orozco "Gasto Social" son magostos e actos de dubidosa efectividade social. Magostos.- 8.926,78 EUROS CUSTOU o magosto celebrado o pasado 16 de novembro de 2007, organizado polo Centro da Milagrosa. 12.317 EUROS custou o magosto 22 de Novembro de 2008, organizado por unha empresa externa. López Linares critica que este encontro non se faga con medios propios, tal e como se fixo noutras edicións, encarecendo a organización en 4.000 euros. Trivial para mulleres.- 12.000 " Cinco horas de formación en materia de igualdade .- 1.306 " Revista virtual Foéminas (pagáronse ata números non publicados): 950 euros mensuais. Outros gastos: cursos da vidente Carmen de Foz, viaxe a Santo Domingo para asistir a un Congreso sobre prevención de drogas"