O Grupo Municipal do Partido Popular cre que a negativa do PSOE a apoiar un cambio da xestión na sala de control de tráfico obedece a intereses persoais do concelleiro de Protección á cidadanía "xa que o irmán do responsable do gabinete de tráfico, persoa próxima a José Rábade, está contratado pola empresa que xestiona a sala de control".

Respecto ao posicionamento do BNG, Rozas deixou claro que a proposta de que os axentes xestionen esta sala responde unicamente a criterios de "operatividade, porque o marca a lei e porque resulta máis económico para as arcas municipais. O señor Lage é o único que queda en evidencia logo de coñecerse as contraprestacións que consegue o seu sindicato tras a última reestruturación". Un dos pagos que supuxo o apoio do BNG á reestruturación que fixo o PSOE da policía foi premiar ao representante sindical da CIG, que pasa a ocupar un posto no centro de mando do novo organigrama.

Enrique Rozas tamén arremeteu contra a política "clientelar" que ao seu xuízo practica o responsable da policía "cando o seu xefe de filas, o señor ZP, falou en Lugo de prácticas caciquiis referíase ás destitucións fulminantes de profesionais e colocación en postos de mando aos seus amigos?"