O Presidente Provincial do Partido Popular, José Manuel Barreiro, e o concelleiro responsable da área urbanística, Jaime Castiñeira, presentaron esta mañá a oficina Popular de Información sobre o novo Plan Xeral.

"É rechamante que o primeiro día o tempo previsto chegase a pouco para atender a demanda dos cidadáns, que desde primeira hora da mañá achegáronse ata a sede do PP de San Marcos para facer as súas consultas particulares".

O horario de atención ao público será de 10:30 a 12:30 os martes e xoves. Os mércores facilitarase información aos veciños da zona rural trasladando a oficina a escolas situadas estratexicamente para dar cobertura ás parroquias.

O funcionamento e coordinación da oficina estará a cargo do concelleiro Jaime Castiñeira que atenderá persoalmente aos interesados.

Os interesados en solicitar cita poderán chamar ao teléfono 982 297 157 ou achegarse á oficina do Grupo Municipal Popular na planta baixa do edificio da Praza Maior.

A pé de rúa.-

Como complemento á atención personalizada o Grupo Municipal Popular desenvolverá unha campaña explicativa polos barrios de Lugo.

Mañá mércores ás oito e media será a primeira reunión na que se ofrecerá información sobre o novo Plan Xeral no Colexio Público de Educación Infantil e Primaria de Albeiros.