O Grupo Municipal Popular denunciou o "lamentable estado" dunha maqueta da Muralla pola que o Concello pagou 18.000 euros. Esta reprodución a escala, está tirada no almacén do cuartel dos bombeiros, en Garabolos.

Os populares piden explicacións ao equipo de Orozco de por que non se utiliza este material para promocionar á cidade en Feiras como a que mañá abre en FITUR. "Supomos que, por ese prezo, pensaríase en expola máis dunha vez e que non se enfocaría como un elemento de usar e tirar".

Desde o Grupo Popular critican o malgasto dos socialistas recordando como recentemente apareceron en colectores de lixo centos de folletos de rutas turísticas e de información da Muralla editadas polo Concello ao amparo do Plan de Excelencia Turística.

Non é esta a primeira vez que desde o Grupo Municipal Popular denúnciase a "escasa sensibilidade" do equipo de goberno co patrimonio municipal. Outro caso rechamante foi o abandono, nunha nave do CEAO, dos leóns orixinais, fabricados por Sargadelos, que se retiraron da Praza Maior cando se reformou.

Maqueta.-

A maqueta da Muralla foi construída por unha empresa de Zaragoza e levou a cabo sendo responsable de turismo o nacionalista Fernando Branco. A idea era promocionar á cidade en feiras de turismo como FITUR, que se celebra esta semana en Madrid. Tamén, durante unha longa tempada, estivo exposta nas oficinas municipais do seminario.