Web del Grupo Municipal del Partido Popular del Ayuntamiento de Lugo

	O Grupo Municipal Popular denuncia que en 2008 o servizo de Guindastre custou aos lucenses 450.000 €
	14/01/2009

	Os populares propón renegociar a concesión do guindastre para acabar co pozo sen fondo que supón manter o servizo. Desde que se adxudicou custoulle ao Concello 1.116.000 euros. De seguir a este ritmo, cando termine a concesión o Concello levará pagado máis de 4 millóns de euros.


	A sangría económica que supón para os lucenses a prestación do servizo do guindastre municipal continúa crecendo. O concelleiro Enrique Rozas, puxo sobre a mesa os datos dos últimos tres exercicios contables, unhas cifras que demostran os seus peores temores "os cálculos que fixemos confírmanse, o buraco, lonxe de frearse sigue incrementándose de xeito alarmante". Ano 2006 .- 300.000 euros Ano 2007.- 366.000 euros Ano 2008.- 450.000 euros
	"De seguir a este ritmo cando finalice o contrato, no ano 2015, o Concello de Lugo e, xa que logo a todos os lucenses, suporalle máis de 4 millóns de euros (4.266.000 euros)", puntualizou Rozas.
	Coa idea de frear esta sangría económica o Grupo Municipal Popular anunciou hoxe que presentará unha iniciativa para debater en pleno "chegados a este punto o máis sensato sería que o Concello renegocie coa actual concesionaria as condicións da adxudicación axustándose ás necesidades que ten a cidade". O edil popular considera que o Concello fixo unha previsión pouco acorde coas necesidades da cidade: un prego inflado, sobredimensionando o servizo. Xa desde o primeiro momento, os populares mantiveron unha postura coherente e crítica coa adxudicación deste servizo "opóndonos, no seu día, á adxudicación do servizo na mesa de contratación".