Web del Grupo Municipal del Partido Popular del Ayuntamiento de Lugo

	O Grupo Municipal Popular presentará un rogo para que se sinalicen correctamente as entradas aos colexios
	11/01/2009

	Tan só nas entradas de cinco dos 14 centros de ensino visitados está prohibido aparcar, e unicamente tres deles teñen rebaixes para facilitar o acceso a vehículos. A seguridade dos nosos menores é fundamental, e non se prevé que poida necesitar acceder, por exemplo, un coche de bombeiros ou unha ambulancia nunha urxencia.


	O Grupo Municipal Popular solicitará ao Goberno Local sinalización adecuada nas entradas dos centros de ensino do municipio para evitar que se obstaculice o paso "quedando libre o acceso para todo tipo de vehículos, en especial os de urxencias (policía, bombeiros e ambulancias)". A concelleira popular Alicia Pena Murias presentará un rogo para que se coloque un sinal de prohibido aparcar diante das portas habilitadas e tamén que leven a cabo as obras necesarias para rebaixar o tramo de beirarrúas que coinciden co paso.
	"Dos 14 centros de Educación Infantil e Primaria visitados tan só cinco (Illa Verde, Rosalía, Gándaras, A Ponte, Casás e A Piringalla) están correctamente sinalizados e unicamente en tres deles (Casás, A Ponte e Gándaras) teñen rebaixes na beirarrúa para facilitar o acceso".
	Pena Murias explica como en cada consello escolar o equipo directivo ten que elaborar un plan de urxencia e evacuación. En caso de incendio "de que serve este plan se non poden entrar os bombeiros ao interior porque hai un obstáculo na entrada?".