O Grupo Municipal Popular mostra a súa preocupación pola acumulación de facturas sen proposta de gasto que corresponden ao exercicio de 2008. O seu valor ascende 96.580,35 euros. Entre elas figuran seis facturas por aluguer dun local en Trapero Pardo que se usa como centro de lecer para maiores. "Os populares recordan que este tipo de gastos só deberían ir a xunta de compras de forma excepcional xa que a contratación debería facerse por outra vía".

Tal e como se denunciou noutras ocasións por parte do Grupo Municipal Popular, o equipo de Orozco volveu pasar por xunta compras unha nova factura de case 21.000 euros correspondente á xestión do punto limpo durante o mes de novembro.