Web del Grupo Municipal del Partido Popular del Ayuntamiento de Lugo

	O Grupo Municipal Popular critica que con diñeiro público se paguen os incumprimentos dalgunhas empresas
	08/01/2009

	É unha tomadura de pelo que o equipo de Orozco adxudique a terminación da obra do centro de interpretación da Muralla a unha empresa que deixou mal acabado o proxecto da escola de Bóveda.


	Para os populares este caso pon de manifesto a nefasta xestión do diñeiro de todos por parte dos socialistas: "A ninguén se lle pasa pola cabeza confiar unha segunda obra a unha empresa que deixou un traballo mal feito e á que o Concello ten previsto abrirlle un expediente".
	San Froilán.- Seguen chegando facturas das festas San Froilán. 42 por un importe total de 192.200 euros. Demóstrase a falta de previsión do Goberno Local que pon en dúbida o compromiso de que as contas que a concelleira comprometeuse a entregar en xaneiro (as das festas de San Froilán) contemplen todos os gastos.
	Outros gastos.- Renovación da asistencia técnica da Sala de control de tráfico (20.368,64 euros). Desde o primeiro momento o grupo popular apostou por que a Policía xestionase a sala de control de tráfico. Os recentes sucesos de descontrol, como o do día da bicicleta, son froito da desorganización que hai na Policía. O Grupo Municipal Popular pediu en reiteradas ocasións que no novo prego de condicións para a explotación da sala de control recollese que a sala funcionase sábados, domingos e festivos. Orozco e o seu equipo non o fixo e hoxe limítase a prorrogar as condicións que había. Esperamos que para o novo prego (en caso de non ser a policía a que o xestione) sexan capaces de introducir estes cambios.