O Grupo Municipal Popular pide ao equipo de Orozco que faga as xestións oportunas coa súa "goberno amigo" da Xunta para que se resolvan os problemas de asistencias que teñen moitos lucenses.

O 29 de decembro varios usuarios do centro de saúde da praza do Ferrol protestaron porque se lles daba cita para recibir unhas receitas para despois do día sete de xaneiro. "Esperar 10 días para contar cunhas receitas é surrealista". Foi o que lle pasou a un veciño de Tirimol, que chamou desde a súa casa ao 902 que agora é obrigatorio, onde lle notificaron que ata o 2009 non podería coller as receitas. Achegouse ata o centro en persoa para pedir que lle adiantasen as prescricións e, a pesar de falar co inspector médico e co coordinador non conseguiu adiantar a data. Ao final pagou a totalidade dos medicamentos.

Tras consultar a profesionais do centro afectado infórmase que o novo sistema de cita previa do 902 complicou a organización das consultas. A central de Santiago está enviando aos enfermos crónicos, que habitualmente se citaban a través de enfermería, ás consultas dos médicos de familia.