Web del Grupo Municipal del Partido Popular del Ayuntamiento de Lugo

	O Grupo Municipal Popular pide maior protección do Patrimonio Histórico tras as desfeitas na fiestra arqueolóxica da Rúanova
	02/01/2009

	O vidro foi esnaquizado aos poucos días da súa colocación. A fiestra levaba selada cun ferro metálico máis de catro anos.


	O Grupo Municipal Popular reclama unha maior protección do patrimonio histórico da cidade e máis en concreto das dúas únicas fiestras arqueolóxicas que hai na actualidade. A alarma salta coas desfeitas que sufriu fai uns días a fiestra arqueolóxica da Rúanova. Acábase de instalar un vidro novo, logo de máis de catro anos coa fiestra selada, e como consecuencia dun acto vandálico volve quedar esnaquizada .
	O Grupo Municipal Popular confía en que se repare a fiestra da Rúanova "nun prazo menor do que se empregou anteriormente", á vez que esixiron medidas de vixilancia efectivas destes lugares, de forma que se evite que se produzan novas desfeitas. Os populares apuntan a posibilidade de que as pedras empregadas para esnaquizar a fiestra arqueolóxica procedan do adarve da Muralla.
	Os populares lamentan a ineficacia do goberno de Orozco á hora de salvagardar o patrimonio histórico da cidade e recorda que o selado da fiestra arqueolóxica vinculouse aos actos vandálicos. Doutor Castro.- En canto á fiestra de Doutor Castro, situada nun comercio privado, só se pode ver en horario laboral (está dentro do recinto da tenda, protexido por unha reixa) e encima o cristal está totalmente empañado pola condensación. En canto aos propios restos, están cubertos de verdín e ata hai helechos e outras plantas que fan evidente a falta de coidados destes restos.