Unha vez máis, Lugo está desprotexida fronte aos posibles incidentes que poden darse nunha cidade de case 100.000 habitantes. 6 bombeiros e 2 axentes de policía de patruya foron todo co que contou Lugo para facer fronte a posibles incidentes.

Esta situación de desprotección efectiva da cidade vén dando repetidamente, e o concelleiro popular Enrique Rozas puxo de manifesto en diversas ocasións que "non pasa nada porque hai sorte", pero que "unha cidade deste tamaño, capital de provincia, non pode estar tan desprotexida".

Respecto da explosión de gas sucedida en Valiño, Rozas pediu ao Concello que aclare cales foron as súas actuacións nese suceso e "as causas dun accidente que alarmou moito á poboación, xa que o edificio non usaba gas natural co que hai unha sensación bastante acusada de desprotección ata para quen non o utilizan"