O Grupo Municipal Popular insiste en que o equipo de Orozco non se preocupa "por estar ao día cos problemas que hai nos centros educativos". Alicia Pena fixo estas declaracións logo de coñecer que, esta mesma mañá, vía correo electrónico, o Concello de Lugo pediu aos centros de ensino que lles remitisen as obras de mantemento que necesitan facer nos seus respectivos centros.

Ante as declaracións do Equipo de Goberno, nas que se indica que moitas das peticións formuladas polo PP son compromisos adquiridos polo bigobierno da Xunta, Alicia Pena pregúntase "se van confiar en que llas faga a Xunta, ou se finalmente terán que cargar a súa execución aos fondos estatais".

Os populares recordan que podería ocorrer como no caso da nova ampliación do vaso da piscina, que agora Orozco asume dentro deste paquete de fondos estatais porque foi incapaz de facer cumprir este compromiso ao goberno amigo de Touriño.