Web del Grupo Municipal del Partido Popular del Ayuntamiento de Lugo

	O Grupo Municipal Popular critica a mala planificación na praza das Illas de Montirón, que leva desmantelada un mes aínda que ata finais de novembro non está prevista a súa remodelación
	15/11/2008
	A concelleira popular Teresa Taboada lamenta que "por falta de planificación" os veciños non poidan usar o vello espazo nin gozar das melloras prometidas. O Grupo Municipal Popular faise varias preguntas: Que lóxica ten desmantelar unha praza se se sabe que ata un mes e medio máis tarde non se actuará sobre ela" Terá algo que ver o recente ridículo no Pleno do concelleiro de obras respecto ao fracaso da próxima rúa Rof Codina" Será que agora hai que facer ver que se fai algo aínda que só se destrúa un espazo"



	O Grupo Municipal Popular denuncia que a "desorganización e falta de previsión" do equipo de Orozco, que levantou os xogos infantís, os bancos, e valou por completo o parque das Illas de Montirón o pasado 15 de Outubro e a día de hoxe as obras aínda non comezaron. A concelleira, Teresa Taboada, pregúntase por que esta operación non se programou para o momento do inicio da obra, que xa está adxudicada a Calfensa por un importe de 71.000 euros e que comezará previsiblemente a finais de novembro.

			Para a edila popular esta falta de previsión provoca un prexuízo importante aos veciños da zona que "non poidan usar o vello espazo nin gozar das melloras prometidas".

	Taboada lamenta a "falta de respecto do Concello aos veciños de Montirón" e pide a González Dopeso que axilice a obra de mellora desta zona verde, que en reiteradas ocasións xa solicitou o Grupo Municipal Popular.