Web del Grupo Municipal del Partido Popular del Ayuntamiento de Lugo

	O Grupo Municipal Popular acusa ao equipo de Orozco de pagar unha asistencia técnica de 8.000 euros por "incapacidade de xestión"
	06/11/2008
	Cristina Ares explicou que "os numerosos atrasos acumulados na execución do Proxecto Parque para modernizar o polígono do CEAO derivaron nesta situación". A concelleira popular advirte que se se demora a xustificación das actuacións previstas poderíase perder a axuda da Unión Europea.


	O Grupo Municipal do Partido Popular acusa ao equipo de Orozco de verse obrigado a pagar "pola súa incapacidade de xestión" unha asistencia técnica de case 8.000 euros para xustificar o Proxecto Parque, co que se financian actuacións para modernizar o polígono do CEAO. A concelleira popular Cristina Ares indicou que esta operación é consecuencia "dos numerosos atrasos acumulados na execución deste proxecto" e puntualizou que "este pago de 8.000 euros non sería necesario se cumprisen os prazos de entrega durante a tramitación do expediente, dos que se ten que facer cargo unicamente o Concello". Desde o Grupo Popular advirten que "de seguir o lento ritmo de traballo ao que nos ten afeitos o Concello de Lugo" poderíanse perder fondos europeos se non se xustifica antes do 31 de decembro as obras incluídas no Proxecto Parque.

	Atrasos por incapacidade de xestión.- O Grupo Popular denuncia que "dúas actuacións tan importantes para executar o proxecto parque como son a rede WIMAX e a vídeo vixilancia sufriron un importante atraso porque o Concello adxudicounas coincidindo coa finalización do prazo de execución do proxecto". Por iso é polo que se solicitase unha prórroga á Comisión Europea.

	O Grupo Municipal Popular mostra a súa sorpresa porque a demora na adxudicación do contrato para instalación da rede WIMAX debeuse aos atrasos na redacción dos pregos por parte do Director de Novas Tecnoloxías. Un informe da Axencia de Emprego e desenvolvemento local xustificando a necesidade do trámite de urxencia evidencia as dificultades do servizo de novas tecnoloxías para levar a cabo o seu labor. Finalmente adxudícase a EMETEL SISTEMAS o 14 de decembro de 2007, por 199.500 euros. O contrato asínase o 15 de febreiro de 2008 coa condición de que as obras termínense en tres semanas. Estado actual.- O proxecto parque abarca a modernización tecnolóxica de 6 parques empresariais de Galicia e Norte de Portugal ao amapro do obxectivo de cooperación da política de cohesión da Unión Europea. O prazo remataba o pasado decembro de 2007. O Concello de Lugo solicitou unha ampliación do prazo de execución para poder finalizar as obras do polígono do CEAO e resolver os trámites de xustificación das actuacións que leven a cabo. Entre outras actuacións prevese a instalación de dous puntos de información multimedia, dúas pantallas xigantes de información de LED, e a implantación da rede sen fíos WI-MAX. Neste programa participa o Consorcio da zona franca de Vigo, USC, Parque tecnolóxico de Galicia, Fundación Caixanova, Deputación da Coruña, Cámara municipal de Chaves, e Bragança. O financiamento europeo prevista para o Concello de Lugo é de 608.977,08 euros.