Tras un mes sen noticias, o Grupo Municipal Popular pide a Rábade o informe que se comprometeu a presentar nunha semana tras o descontrol do día da bicicleta
22/10/2008
Hoxe cúmprese un mes desde que a falta de coordinación e dirección policial puxo en perigo por centos de lucenses o día da bicicleta.
O Concelleiro responsable, o señor Rábade, anunciou naquel momento a redacción, nunha semana, dun informe que aclararía todos os detalles do suceso.
O Grupo Municipal Popular pregunta ao equipo de Orozco onde está o informe que se comprometeu a facer público para aclarar os incidentes que tiveron lugar durante a celebración do día da bicicleta. Enrique Rozas recordou que o equipo de goberno deu un prazo dunha semana para clarificar o sucedido e depurar responsabilidades.
Cando se cumpre un mes da celebración da citada proba os populares queren saber en que situación atópase o documento. Rozas mostrou desde o primeiro momento a súa sorpresa porque Rábade encargou ao responsable da organización, o Director Xeral da Policía, un informe no que se avaliase a si mesmo, e a súa propia xestión no tocante ao dispositivo que se montou o pasado 21 de setembro pola celebración deste evento.
Policía.-
O concelleiro popular pídelle ao Alcalde que as enerxías que gasta en felicitacións emprégueas en chamar á orde ao director xeral da policía para que monte dispositivos regulares e efectivos todos os días.
