A necesidade de dar unha solución aos incumprimentos por infrinxir a ordenanza de ruído, e a mellora do sistema de pago dos impostos municipais son dúas recomendacións que figurarán no informe anual da Comisión de Suxestións que preside o Partido Popular.

A concelleira popular, Cristina Ares, explicou que este foi un dos acordos adoptados na comisión extraordinaria que tivo lugar esta mañá e na que compareceron técnicos de distintos servizos para responder ás distintas queixas veciñais.

A edila popular, que preside a citada comisión, pediu á nova responsable de urbanismo que se poña as pilas "xa que os temas de urbanismo quedaron pendentes de explicacións". "O que nos transmitiron é que nin tan sequera chegan as notificacións á persoa idónea evidenciado unha falta de organización neste departamento".