O Grupo Municipal Popular solicita que se revisen as tapas dos sumidoiros, que están soltas, na rúa Montevideo. Segundo a concelleira popular, Teresa Taboada, esta é unha queixa común dos que residen nesta vía e que "sofren os ruídos que provoca o paso de vehículos dificultando, ás noites, o descanso da veciñanza".

A concelleira popular Teresa Taboada invitou ao equipo de Orozco a que solucionen este problema o máis axiña posible. Outras queixas dos veciños van encamiñadas a reclamar que se arromben as beirarrúas xa que, nalgúns puntos, atópanse "afundidas e resquebrajadas, con maleza entre as gretas".

A xuízo da edila popular, para completar o lavado de face desta rúa faría falta eliminar as pintadas e a sucidade e grafitos que hai no fielato da porta da muralla. "Cunhas sinxelas actuacións dignificaríase a imaxe desta vía que é unha das principais entradas ao centro de Lugo", puntualizou Taboada.