O Grupo Popular confirmou hoxe a "inoperancia e incapacidade" do Equipo de Goberno á hora de pór en marcha o programa dos bancos do tempo anunciado "aos catro ventos" no ano 2006.
A responsable socialista de Servizos Sociais, Carmen Basadre, aseguraba esta mañá, en resposta a unha batería de preguntas da edila e presidenta da Comisión a popular Sofía López Linares, que o Concello "non ten persoal para atender este programa, nin existe proxecto para levalo a cabo".
Para Sofía López Linares esta é unha "desculpa impresentable" e recordou como existe un protocolo de colaboración institucional, asinado en 2006, no que se especifica que se elaboraría un rexistro de voluntarios, a posta en marcha, difusión e xestión do proxecto dos bancos do tempo. A estas alturas non existe "nada de nada. O equipo de Orozco non deu nin un só paso adiante desde a firma do convenio coa Consellería de Traballo".
