O Grupo Municipal do Partido Popular advirte que de non tomarse medidas urxentes, cando termine este ano 2008 o servizo municipal da grúa poderíalle custar ao Concello preto 500.000 euros (83 millóns de pesetas). Enrique Rozas afirma que con ese diñeiro poderían contratarse ata dezaseis bombeiros.

O concelleiro popular explicou que desde que se adxudicou este servizo, en 2005, ao Concello custoulle máis dun millón de euros. Cada mes pagamos á empresa adjudicataria 43.000 €, (en concepto de gasolina, revisións, desgaste rodas, depósito de vehiculos...).

Enrique Rozas pregunta a Orozco e o seu equipo: " Por que non se deciden a adoptar medidas que poñan coto a este pozo sen fondo?":

• Preto de 300.000 € en 2006
• 366.000 € en 2007
• A tendencia neste 2008 é moito peor, de seguir así pode alcanzar os 500.000 €. O pasado mes de Agosto foi o peor desde a adjudicación da concesión, cun custo de 40.000 €.

De seguir esta tendencia progresiva, e tendo en conta que a concesión da grúa é ata o ano 2015, poderiamos estar falando dun buraco de de preto de catro millóns euros.

Renegociar condicións.-

O Grupo Municipal do Partido Popular xa advertiu, en reiteradas ocasións, que o Concello non poñía freo á sangría económica que supón este servizo para a economía municipal. "Estamos pagando combustible, gasto material e reparaciones dunhas grúas que están aparcadas por orde do Director Xeral da policía que estableceu no Manual de procedemento de organización e funcións básicas da inspección principal de policía (PR-003-PT)".