Entre as propostas de reducións fiscais que propón os populares de face ao próximo 2009 está a da rebaixa das tarifas anuais do imposto de circulación de vehículos de tracción mecánica. García Díez explicou que a tarifa que se paga en Lugo é das máis elevadas de Galicia. Segundo o estudo realizado a media que pagamos os lucenses propietarios supera en case dez puntos ao que se cobra noutras grandes cidades.
O Partido Popular insiste en que neste momento o Concello debería facer un esforzo para rebaixar esta taxa polo menos aos propietarios de vehículos de actividade comerciais e mercantís.

García Díez destacou tamén que por iniciativa do Partido Popular duplicarase en 2009 a bonificación que había en taxas e impostos de licenza de obras e construcións nas que se eliminen barreiras arquitectónicas, tanto en casas como en locais comerciais para facilitar así o acceso de minusválidos (modificar portas de vivendas, accesos a baños). Do 25% que hai na actualidade duplicarase, por iniciativa do PP, ata o 50%.

Outro punto no que se insiste desde as filas populares é na proposta de ampliar ata o 50% a bonificación do I.A.E., para aquelas empresas que se instalen en Lugo e que se apliquen bonificacións para as que aumenten o seu persoal con contratos indefinidos con arranxo a un baremo a determinar.

Quedou sobre a mesa a proposta de Bonificacións do I.B.I. para familias numerosas cando se trata da súa vivenda habitual (se o valor catastral é igual ou inferior a 60.000 euros) acordándose revisar o actual baremo do Concello.

Para rematar os populares reclamaron que desapareza o cobro por consumo mínimo do recibo de auga "hai que conseguir que se pague polo consumo real. O PP libra desde fai anos esta batalla co goberno local e agarda que por fin este ano se produza esa boa noticia para os lucenses".