O Grupo Municipal Popular mostra a súa satisfacción porque grazas ás propostas do Partido Popular o equipo de goberno "está a corrixir os seus problemas do día a día que teñen sinxela solución".

Ás denuncias de modificar puntos negros en materia de seguridade viaria hai que sumar unha última iniciativa que o Goberno asume, iso si, sen recoñecer a autoría popular.

Ao día seguinte de presentar un rogo no que o PP sinalaba a confusión que xeraba un cartel de localización situado na caseta de información turística da praza da Constitución o equipo de Orozco decide cambiar este letreiro. "Tardaron tres meses en modificalo desde a nosa primeira denuncia, e se o fan é porque o advertimos, porque se é por eles nin se decataban".