A concelleira popular Alicia Peña presentou hoxe un informe, tras percorrer o tramo que discorre polo Concello de Lugo do Camiño Primitivo, en que denuncia as deficiencias e propón melloras para a promoción do mesmo.

Para a concelleira, "non se pode pedir a ninguén que publicite un traxecto que está en tan lamentables condicións".

Desvíos incorrectos, pavimento en mal estado, lixos, falta de lugares de acollida e unha pésima imaxe da ciudade á entrada do camiño son, para Alicia Peña, os principais problemas que presenta esta ruta.

O Grupo Popular cre que "cando hai interese en promocionar a cidade en terras afastadas, chama a atención que se descoiden os temas próximos. Que pensaría un turista da nosa hermanada cidade chinesa se se lle ocorrese facer un tramo do camiño e se atopase a cuneta chea de lixo ou a deprimente entrada á cidade que os recibe?".