| |
|
|
| |
O Grupo Municipal Popular propón que a nova oficina de información europea do CEI amplíe competencias e se abra a toda a cidadanía |
14/08/2008 |
|
| |
-
Ares critica que o servizo "de longo alcance" que o goberno puxo en marcha en xullo está este mes pechado por vacacións.
-
"O Concello, neste mes de agosto, nin tan sequera foi capaz de pór un substituto ao único técnico que atende nesta oficina"..
|
| |
O Grupo Municipal Popular presenta un rogo para o próximo pleno para que se amplíen as competencias da nova oficina de información europea a toda a cidadanía, e que non se cinga unicamente a brindar información aos mozos.
Cristina Ares afirma que o goberno utiliza escusas de mal pagador cando propón limitar o traballo desta oficina: "Afirman que teñen experiencia doutros programas de mocidade como o Leonardo, cando ata o momento só se beneficiaron 7 mozos".
A edil popular pide que se traballe con seriedade xa que cando se anunciou, no mes de xullo, a posta en marcha desta oficina de información europea do CEI o goberno vendeuna como "un servizo de máis alcance, cando en realidade funciona baixo mínimos" cando funciona porque no mes de agosto, o Concello nin tan sequera preocupouse de pór un substituto ao único técnico de emprego que traballa nesta oficina".
|
res insiste en que "as dificultades que se presentan aos veciños de Lugo para aproveitar as oportunidades que lles brinda a Unión Europea van moito máis alá da información e que ese aspecto está amplamente cuberto grazas ás páxinas web das institucións europeas así como a través de todo tipo de sinxelos boletíns en papel e electrónicos que publican múltiples entidades públicas e privadas españolas".
|
|
| |
|
No rogo que presenta o Grupo Popular tamén se fai fincapé en que esta oficina debería, ademais de dar información, ofrecer un servizo de axuda para elaborar propostas, procura de socios noutros países e abrir as instalacións do CEI-NODUS a todos os axentes sociais lucenses que necesiten estas dependencias para presentar as súas propostas publicamente e ata para reunións cos socios.
Espazo de cooperación e aprendizaxe.-
Na actualidade hai abertas convocatorias de interese xeral que requirirían do servizo dunha oficina europea que traballe cun modelo como o que se propón. Por exemplo estas dúas convocatorias están abertas pero sen axuda é moi complicado que se consiga a subvención:
- EAC/26/08 ACCIÓN PREPARATORIA AMICUS: Destinada, ademais da organismos públicos, a ONGs ou asociacións sen ánimos de lucro cuxa actividade principal estea enfocada ao voluntariado de mozos.
- E-PARTICIPATION 2008: Poderían beneficiarse persoas xurídicas lucenses interesadas no desenvolvemento de ferramentas TIC e solucións innovadoras que permitan aos cidadáns expresar a súa opinión e interactuar coas institucións europeas, visualizar o impacto normativo ou dotar de maior transparencia aos procesos de toma de decisións.
|
|
