PSOE e BNG votaron esta mañá a favor da proposta da concelleira do Grupo Popular, Sofía López Linares, para crear en Lugo unha rede de parques biosaludables para maiores en xardíns e paseos de Lugo.

O equipo de goberno asegurou que o primeiro que se montará na cidade será o do parque da Milagrosa, aínda que non concretou prazos nin o número de unidades. Sofía López pide aos socialistas que sexan ambiciosos con este proxecto e que non quede nun simple aparello tal e como se fixo no parque que hai na praza Vermella, onde "hai unha única unidade no medio do parque infantil".

López Linares recordou como os aparellos que se utilizan nestes parques facilitan a práctica de exercicio aos adultos contribuíndo dun xeito activo, na mellora da saúde e no entretemento dos veciños lucenses.