- Alicia Peña enumerou unha serie de áreas de xogo da cidade que incumpren o decreto da Xunta e que poderían provocar "o precintado do parque".
- Peña: "A maioría dos recintos carecen de carteis indicadores con teléfonos de urxencias e información, e existen zonas con pavimento de terra ou area e con xogos que non se adaptan á normativa".
- O Grupo Municipal Popular advirte que é necesario e urxente que se mellore a seguridade dos parques infantís da Praza de San Lorenzo, Montirón, As Termas, Milagrosa, Parque do Miño e Rosalía de Castro.
|
- Incumprimento do artigo 6 do decreto autonómico de 2003, sobre a sinalización. "Unha alta porcentaxe das zonas de xogos infantís de Lugo carecen do cartel cos indicacións sobre a situación do teléfono público máis próximo, a do centro sanitario, urxencias, servizo encargado de mantemento e reparación de danos".
- A maioría carece de fonte, e nos que a hai afai estar en mal estado.
- Segue habendo parques con pavimento de area que carecen de "dun revestimento na zona de xogos absorbente de impacto". Un destes casos é o do parque de Montirón onde cando chove fórmanse charcos, xa que o pavimento é de terra, e onde os xogos incumpren as normas de seguridade.
- Para rematar Peña Murias reclamou un mantemento continuado para atender calquera eventualidade: "gastáronse cuantiosos recursos nestas zonas de xogo polo que o coherente é que estean en perfecto estado de revista. O seu estado é prioritario xa que estamos falando da seguridade dos nosos nenos".
Nese sentido os populares solicitan que leve a cabo unha inspección rigorosa de todos e cada un dos parques infantís de face a puír as esixencias da normativa.
Deficiencias detectadas.-
No parque de San Lorenzo (barrio Feijó) existe un perigo real xa que non hai valo que rodee o recinto. O aparcadoiro linda coa zona de xogos infantís, e non conta coa perceptiva valo de seguridade. A normativa indica que se a superficie non está acoutada por unha cerca, terá que estar separada do tráfico rodado a unha distancia mínima de 30 metros.
No parque infantil das Termas hai que destacar que non se deu nin un só paso para tapar un cadro eléctrico accesible desde o parque infantil que xa fora denunciado no seu momento polo Grupo Municipal Popular. A zona presenta un aspecto deteriorado polas pintadas e lixo que se acumula na súa contorna.
Na Milagrosa: papeleiras oxidadas, rotas e desfondadas, caendo o lixo pola parte de abaixo. O acceso entre as dúas zonas de xogo está intransitable. A fonte non funciona.
Outro dos que incumpre a normativa e que presenta un estado de abandono é o parque infantil do Miño. Está sen valo e ten un terraplén moi perigoso para os nenos. Os bancos que o rodean están rotos. Hai un total estado de abandono.
Parque do Castiñeiro carece de papeleiras e a fonte, onde se intoxicou case un centenar de lucenses segue valada pero sen que se deu solución algunha.
Rosalía de Castro. Ao ser esta unha das zonas preferidas do botellón, un dos principais problemas da zona é que con frecuencia aparecen restos de cristais e cabichas. O chan incumpre as normas de seguridade, xa que non está adaptado para a protección de caídas e é de area. Peña foi moi crítica coa lentitude da reforma do recinto anunciada en reiteradas ocasións polo goberno local.
A concelleira popular lamentou que o goberno faga oídos xordos ao aviso que o Partido Popular fíxolles en xaneiro (3-01-08) apuntando a existencia de varios parques que incumprían a normativa. "O responsable de área do PSOE comprometeuse a arranxar en maio estes problemas, pero non fixeron nada, todo segue igual".
|
