Web del Grupo Municipal del Partido Popular del Ayuntamiento de Lugo


O PP congratúlase do inicio das obras da pista entre O Burgo e Palas
03/08/2008	Rural

O concelleiro Manuel López resalta que o movemento veciñal foi determinante para lograr este obxectivo, á vez que recorda o atraso que leva acumulado o proxecto.

O Partido Popular mostrou hoxe a súa satisfacción porque a obra da estrada do Burgo a Pas, no tramo comprendido entre os puntos quilométricos 1,6 e 3,3, vaia executarse por fin. En opinión dos populares do Grupo Municipal e do Grupo Provincial do PP, o movemento veciñal foi fundamental para que esta estrada se faga e, neste sentido, recordan a recollida de firmas e posterior entrega tanto no Concello como na Deputación.
O concelleiro da zona rural do PP, Manuel López, indicou que o atraso acumulado non ten explicación, pero agora o importante é que a obra se faga, e que se acometa nas condicións técnicas correctas e, o fundamental, canto antes.

Ademais, o concelleiro do PP chamou a atención tamén sobre o feito de que nada se sabe do resto dos tramos, especialmente do que discorre entre os puntos quilométricos 3,3 e 5,3, e que está a causar preocupación aos veciños polo atraso que xa acumula e polo feito de que o Sr. Liñares comprometeuse a que se ía a modificar. O edil popular recorda que o Grupo Municipal Popular xa se interesou polos prazos de execución deste proxecto nun dos plenos da corporación municipal sen que ata o momento se tivese constancia de novidade algunha.