Web del Grupo Municipal del Partido Popular del Ayuntamiento de Lugo


O PP logra que PSOE e BNG aproben a súa proposta de sistema de elección de pregoeiro
01/08/2008	Cultura e Turismo

Tamén se aceptou a proposta do PP de que nas festas deste ano, a apertura das portas sexa realizada por representantes do mundo do deporte.

Na reunión de hoxe da Comisión de Festas, tratouse o tema do pregoeiro para as próximas festas de San Froilán. Neste punto o PP apoiou a proposta feita polo PSOE de que o pregoeiro das festas para o ano 2008 sexa Don Pablo Bravo Lozano (Embaixador en misión especial para o ano de España en China). Pola súa banda, o Grupo Municipal Popular pediu que para anos futuros se solucionase definitivamente a forma de elección do pregoeiro, propondo dous sistemas: ou un rotatorio, en que cada grupo propoña un pregoeiro cada ano, ou mediante unha votación na que cada grupo teña un voto ponderado pero cuxo resultado se acatara por unanimidade. Aceptouse esta segunda proposta, quedando reflectida en acta do seguinte xeito.
"Para o próximo ano cada Grupo Municipal proporá un candidato, e se non hai unanimidade farase un votación con tres votos ponderados, sendo o que adquira a maioría aceptado como pregoeiro de forma unánime polo tres Grupos Municipais"

n canto ás aperturas das portas, aceptouse a proposta feita polo PP de que sexan realizadas por deportistas, e para evitar personalizar decidiuse facelo a través das federacións deportivas.