Web del Grupo Municipal del Partido Popular del Ayuntamiento de Lugo


O Grupo Municipal Popular propón ao Alcalde a creación dun equipo de técnicos municipais para o control dos erros do PXOM
31/07/2008	Urbanismo


Confírmase, tal e como temía o PP, que o novo documento entregado por Orozco segue a ter erros e non recolle os acordos adoptados en reunións anteriores. Chegados a este punto, o Grupo Municipal Popular cre que dada a ineficacia (por ser xenerosos) de Orozco só un equipo de técnicos municipais pode garantir un Plan libre de erros.

O concelleiro do Grupo Municipal Popular, Jaime Castiñeira, reiterou hoxe en rolda de prensa o malestar do Partido Popular ante a situación do PXOM, que continua con erros que, aínda sendo subsanables, fan necesario que se realicen diversas modificacións coa máxima urxencia. Para Castiñeira, ?o máximo responsable do estancamento do PXOM é o alcalde, que foi incapaz logo de nove anos de goberno, de sacar adiante un documento básico para o desenvolvemento da cidade? O concelleiro popular denuncia que o equipo redactor fai caso omiso dos acordos alcanzados nas diferentes reunións da comisión de achaiadura polo que solicita do alcalde que dunha vez por todas exerza como tal.
O PP volveu detectar que parte das decisións acordadas por unanimidade en reunións anteriores foron totalmente ignoradas, xa que o documento segue mantendo graves defectos que supón a afectación de parte das edificacións da cidade. Jaime Castiñeira citou algúns exemplos: Avenida das Américas, Rúa Orense, Ribadeo, García Portela, Conde Fontao, etc., a pesar de que algunhas licenzas foron aprobadas recentemente polo Goberno Municipal.
Castiñeira indica que na zona da vivendas de Frigsa non se tiveron en conta os acordos establecidos, do mesmo xeito que na rúa Juana a tola con Rei Chiquito ,Fonte dous Ranchos, fronte de Marqués de Ombreiro, etc. Propón ao Alcalde que se forme un equipo de tecnicos municipais para supervisar e controlar claramente este traballo porque o PP non quere ser responsable dun Plan con este tipo de erros Outros erros son que en varios puntos os planos de xestión non coinciden cos de ordenación, e hai rúas consolidadas onde se aumentan o número de plantas como na cale Conde e noutras onde se reduce por exemplo o edificio do colexio de Avogados.