Web del Grupo Municipal del Partido Popular del Ayuntamiento de Lugo


O Grupo Municipal Popular propón a posta en marcha dun Consello Municipal da Mocidade
16/07/2008	Servizos Xerais

Cristina Ares esixe a Orozco e o seu equipo un compromiso real coa participación cidadá e que se abandonen os xestos de face á galería.

O Grupo Municipal Popular reclama a creación do Consello Municipal da Mocidade de Lugo. Cristina Ares explicou que este sería o primeiro consello sectorial que se poría en marcha tras a entrada en vigor do Regulamento de Participación Cidadá. Cristina Ares presenta esta proposta confiando que na reestruturación do Goberno Municipal se dea a importancia que merece ao fomento da participación da mocidade na vida municipal.

A finalidade do consello Municipal da mocidade sería o impulso da participación dos mozos e mozas lucenses e o enriquecemento da xestión local, coa recepción de propostas e opinións deste colectivo sobre calquera asunto de interese para o conxunto da cidade.
As competencias do Consello serían: Emitir opinións sobre cuestións relacionadas coa mocidade de Lugo. Ser espazo de encontro entre o Concello de Lugo e o tecido asociativo xuvenil do municipio. Promover o coñecemento mutuo e o debate entre as distintas entidades xuvenís en temas como o emprego, uso de espazos, orientación profesional, saúde pública, cultura, educación, deporte, lecer e outros. Servir de canle de mediación cos organismos públicos e privados en asuntos de interese común para a mocidade e toda a sociedade lucense. Analizar as necesidades e demandas da mocidade e propor respostas desde a administración local. Propor actuacións e acordos entre as distintas áreas municipais e outras institucións que teñan incidencia na cidade. Promover o asociacionismo xuvenil no municipio. Composición.- Un Presidente elixido entre os candidatos propostos polas asociacións xuvenís lucenses. Vicepresidente elixido polos membros das agrupacións xuvenís dos partidos con representación no pleno. Secretario do Concello ou funcionario no que delegue. Tamén terán cabida neste consello da mocidade representantes grupos políticos, das distintas agrupacións xuvenís (menores de 30 anos) As reunións deste consello serían abertas: "calquera persoa pode presencialo como observador". O consello emitirá un informe anual que terá carácter de documento público.