O Grupo Municipal Popular denuncia que nas tardes do venres, sábado e domingo deste pasado fin de semana non houbo servizo de ateigados na Policía Local. Nas tardes do venres e sábado tiveron lugar sinistros na nosa cidade que foron atendidos polo resto dos compañeiros do servizo, non podéndose realizar as probas específicas de alcoholemia ao non dispor dos equipos para facer as mesmas, xa que os etilómetros están asignados aos compoñentes da unidade de ateigados.

Rozas indica que outro dos incidentes acontecidos este fin de semana, foi que nas noites de venres, sábado e domingo non houbo na nosa cidade nin control de velocidade nin de alcoholemia.

Esta circunstancia demostra de novo a falsidade do argumento utilizado polo equipo de goberno, que responsabiliza ás baixas dos axentes da Policía Local do mal funcionamento do servizo. O concelleiro popular denuncia que o verdadeiro motivo da situación actual da Policía Local e o seu mal funcionamento é responsabilidade única e exclusivamente da falta de dirección do servizo por parte dos responsables municipais, e vólvese a preguntar unha vez máis que función está desempeñando o Director Xeral da Policía, responsable xunto ao concelleiro delegado e o alcalde, do funcionamento da mesma.